«Կենդանի պատմություն»՝
Պատմության ուսուցիչների շարունակական մասնագիտական զարգացման նախագիծ ՝ պատմական ակտիվ մտածողության հմտությունների զարգացման համար

ԿԳՄՍ նախարարության հետ համագործակցությամբ «Պարադիգմա» կրթական հիմնադրամի նախաձեռնությամբ մեկնարկել է «Կենդանի պատմություն» ծրագիրը, որը նախատեսված է ՀՀ հանրակրթական պետական և մասնավոր դպրոցների պատմության ու հասարակագիտության ուսուցիչների համար։

​

Ծրագրի շրջանակում ուսուցիչները՝

1. կստանան «Գալուստ Կիւլպէնկեան» հիմնարկության աջակցությամբ մշակված «Գիրք պատմության ուսուցման. ինչո՞ւ, ինչպե՞ս» գիրքը։ ՀՀ ԿԳՄՍ նախարարի հրամանով այն երաշխավորվել է որպես ուսումնական նյութ։

2. կմասնակցեն 2 առցանց ներկայացում-աշխատարանի. մեկը՝ մինչ ս.թ. հունիս ամիսը, մյուսը՝ ս.թ. օգոստոս-հոկտեմբեր ամիսներին

3. կստանան գրքում ներկայացված ռազմավարությունների կիրառման առցանց խորհրդատվություն դրանցից 4-ը հաջորդ ուսումնական տարում իրենց դասերի ընթացքում փորձարկելու նպատակով,

4. կմասնակցեն պատմության ուսուցման վերաբերյալ հետազոտության՝ հաջորդ ուսումնական տարում փորձարկած 4 դասերի հիմքով,

5. կստանան հնարավորություն տարածել իրենց փորձառությունն այլ ուսուցիչների շրջանում և դառնալ պատմական ակտիվ մտածողության ուսուցիչ-առաջնորդ։

Ծրագրի շրջանակում երկրորդ աշխատարանն ու փորձարկումների մեծ մասը կկազմակերպվեն հաջորդ ուսումնական տարվան ընդառաջ։  

​

Գիրքը ներկայացնում է «պատմական ակտիվ մտածողության» տեսությունը, դրանից բխող մի քանի տասնյակ ուսումնական ռազմավարություններ, որոնք միտված են սովորողների պատմական մտածողության զարգացմանը։ Ռազմավարությունները մասնավորեցված են դպրոցական ծրագրում ներառված հայոց պատմության համատեքստին և դասակարգված են՝ ըստ պատմական ակտիվ մտածողության հմտությունների։

​

Ծրագրին կարող են մասնակցել հանրակրթական պետական դպրոցների պատմության և հասարակագիտության բոլոր ուսուցիչները պետք է անցնեն ընտրության փուլ՝ լրացնելով ստորև բերված հայտադիմումը մինչև ս.թ. ապրիլի 5-ը՝ ժամը՝ 24:00։

​

Կայքում հայտը լրացնելու որևէ տեխնիկական խնդրի դեպքում փորձեք լրացնել սույն հղումով՝ https://forms.gle/jinyDA5YqpH7cB7T8 ​

​

Հայտը լրացնելուց հետո սղմեք «Ուղարկել» կոճակը. ուղարկելուց հետո Ձեզ կերևա հետևյալ գրությունը՝  «Շնորհակալություն հայտի համար: Ձեզ հետ կկապվենք ապրիլ ամսվա ընթացքում:»

Լրացնել հայտը